Aung Soe Moe's English Tuition

နိုင်ငံတကာတွင် ဘွဲ့လွန်ပညာ တော်သင် သွားရောက်လိုသူ မြန်မာလူငယ်များအတွက် နိုင်ငံ တကာ အစိုးရအဖွဲ့အစည်းများက ပေးအပ်နေသော ပညာသင်ဆုအ စီအစဉ်များကို ယခုတစ်ပတ် နိုင်ငံတကာပညာသင်ဆု အခွင့် အလမ်းကဏ္ဍတွင် စုစည်းဖော်ပြ ထားပါသည်။ သြစတြေးလျအစိုးရပညာသင်ဆု  သြစတြေးလျအစိုးရက မြန်မာနိုင်ငံ၏ နိုင်ငံရေး၊ စီးပွား ရေး၊ လူမှုရေးပြုပြင်ပြောင်းလဲမှု တွင် အထောက်အပံ့ဖြစ်စေရန် လူ့စွမ်းအားအရင်းအမြစ် ကောင်း များမွေးထုတ်ရာတွင် ကူညီပံ့ပိုး ပေးသည့်အနေဖြင့် ပေးအပ်သည့် Australia Awards ပညာသင်ဆု ဖြစ်သည်။ မြန်မာနိုင်ငံသားများအ နေဖြင့် မဟာဘွဲ့သင်တန်းကို သြစတြေးလျနိုင်ငံရှိ တက္ကသိုလ် များတွင် ပညာသင်ဆုအပြည့်အဝ ဖြင့် တက်ရောက်နိုင်မည့် အခွင့် အရေးဖြစ်သည်။ ပညာရေးစီမံခန့်ခွဲမှု၊ လူ့ စွမ်းအားအရင်းအမြစ် ဖွံ့ဖြိုးတိုး တက်ရေး၊ လူသားချင်းစာနာ ထောက်ထားမှု၊ ရာသီဥတုဘေး အန္တရာယ်ဆိုင်ရာစီမံခန့်ခွဲမှု၊ ပြည် သူ့ရေးရာမူဝါဒ၊ နိုင်ငံတကာဆက် ဆံရေး၊ စီးပွားရေး၊ စိုက်ပျိုးရေး၊ သဘာဝအရင်းအမြစ် စီမံခန့်ခွဲမှု၊ သတ္တုတူးဖော်ရေးစသည့် နယ် ပယ်များတွင် အကျုံးဝင်သည့် မည်သည့်ဘာသာ ရပ်အတွက်မ ဆို ပညာသင်ဆုလျှောက်ထားခွင့် ပြုထားသည်။ လျှောက်ထားသူများ၏ အ လုပ်အကိုင...

ဧပြီလ 23ရက်နေ့ဟာ English Language Day ဖြစ်ပါတယ်။ 2010 ခုနှစ်မှစတင်ကျင်းပခဲ့တာဖြစ်ပီး အာရပ်ဘာသာစကားနေ့၊ တရုတ်ဘာသာစကားနေ့၊ ပြင်သစ်ဘာသာစကားနေ့၊ ရုရှားဘာသာစကားနေ့နဲ့ စပိန်ဘာသာစကားနေ့များနှင့်အတူ စတင်ကျင်းပခဲ့ပါတယ်။ အထက်ပါဘာသာစကားများဟာ ကုလသမဂ္ဂရဲ့ တရားဝင်ဘာသာစကားများဖြစ်ပီး ဘာသာစကားအလိုက် သက်ဆိုင်ရာ သမိုင်းကြောင်း၊ ယဉ်ကျေးမှုနဲ့ ဖြစ်ထွန်းမှုတွေကို သိရှိနိုင်စေဖို့ ရည်ရွယ်ကျင်းပကြခြင်းဖြစ်ပါတယ်။ English Dayကို ဧပြီ 13မှာကျင်းပရခြင်းအကြောင်းကတော့ ဒီနေ့ဟာ နာမည်ကျော်ပြဇာတ်ရေးဆရာကြီး Shakespeareရဲ့ မွေးနေ့ဖြစ်ပီး သူကွယ်လွန်တဲ့နှစ်ပတ်လည်နေ့လဲ ဖြစ်တာကြောင့်ဖြစ်ပါတယ်။ Shakespeareဟာ 16ရာစုနဲ့ 17ရာစုနှစ်များမှာ သူ့ရဲ့ပြောင်မြောက်တဲ့စာပေအရေးအသားတွေနဲ့အတူ ယနေ့ထိခေတ်စားနေဆဲဖြစ်တဲ့ စကားလုံးသစ်များစွာကိုလဲ စတင်ဖန်တီးခဲ့သူပဲ ဖြစ်ပါတယ်။ ယခုခေတ်သုံးစကားလုံးများဖြစ်တဲ့ 'gossip'၊ 'fashionable'၊ 'lonely' ဆိုတဲ့စကားလုံးများကို ပထမဆုံးစတင်သုံးစွဲခဲ့တဲ့အပြင် 'break the ice' ၊ 'love is blind'စတဲ့ စကားစုတွေဟာလဲ Shakespeare တီထွင်သုံးစွဲခဲ့တာပဲ ဖြစ်ပါတယ်။ Ref: britishcouncil p...

တစ်ယောက်ယောက်ကို အင်္ဂလိပ်စကားပြောတတ်လားလို့ မေးတဲ့အခါမှာ "Do you speak English? "လို့ပဲ မေးကြတာ သိပီးဖြစ်မှာပါ။ "Do you speak in English?" လို့မမေးကြပါဘူး။ သူ ပြောနေတဲ့အကြောင်းအရာကို ကိုယ်က အင်္ဂလိပ်လိုပြောစေချင်ရင်တော့ Speak in English လို့ပြောနိုင်ပါတယ်။ ဥပမာ စာသင်ခန်းထဲမှာ ဆရာမက မြန်မာလိုပဲ တောက်လျှောက်ပြောနေတဲ့ကျောင်းသားကို အင်္ဂလိပ်လိုပြောစေချင်တဲ့အခါ Can you speak in English? ဒါမှမဟုတ် Can you explain it in English? လို့ပြောတတ်ပါတယ်။ အကြောင်းအရာမပြောင်းပဲ ပြောနေတဲ့အကြောင်းအရာကို အင်္ဂလိပ်လို ပြောင်းပြောခိုင်းတာမျိုးပါ။ English Speaking ပြောစကားကို improveဖြစ်ချင်ရင် Speak in English အင်္ဂလိပ်လို ပြောတာထက် speak English အင်္ဂလိပ်စာကို ပြောကြဖို့လိုပါတယ်။ Speak in English ကိုယ့်မိခင်ဘာသာစကား မြန်မာစာကို translateလုပ်ပီး အင်္ဂလိပ်လိုပြောနေသရွေ့တော့ အပြောစွမ်းရည် တိုးတက်လာမှာ မဟုတ်ပါဘူး။ ဥပမာ မနက်ဖြန်နေ့လယ်လောက် ရာသီဥတုကောင်းရင်တော့ ငါမင်းဆီဝင်ခဲ့မယ် ဆိုတာကို မြန်မာလိုတွေးပီး speak in English လုပ်မယ်ဆိုရင် ဘလိုစာကြောင်းတွေ ပြောမိနိုင်မလဲ။ If the weather is good, ...

အသံ၏ အန္တရာယ်များ အသံထွက် (pronuncing) ဆိုင်ရာ အခက်အခဲများ အင်္ဂလိပ်စကားမှာ အသံ ၄၄ သံရှိတယ်။ အခြားဘာသာစကားတွေမှာတော့ ၂၅ သံနဲ့ အသံ ၃၀ ကျော်ကျော် လောက်ပဲရှိတယ်လို့ သိရတယ်။ အင်္ဂလိပ်စကားလုံးတွေဟာ အသံပိုင်းမှာ လျှာနေလျှာထားအရေးကြီးတယ်။ အသံထွက်မမှန်ရင် ပြဿနာတက်နိုင်တယ်။ အင်္ဂလိပ်စကားမှာ vowel sound အနေနဲ့ ၃၃ သံရှိတယ်။ ခုမှအင်္ဂလိပ်စာကို စတင်လေ့လာသူတွေ အနေနဲ့ အသံထွက်ရတာ၊ နားရေဝအောင်လေ့လာရတာ ခက်ခဲတတ်ပါတယ်။ အထူးသဖြင့် တရုတ်၊ ပြင်သစ်၊ ဂရိ၊ အီတလီ၊ ဂျပန်၊ စပိန်တွေအနေနဲ့ အခက်အခဲတွေ ကြုံနိုင်ပါတယ်။ ဥပမာ အင်္ဂလိပ်စာမှာ / i: / ဆိုတဲ့ အသံဟာ e ကို သံရှည်ဆွဲပြီး ထုတ်ရတဲ့ အသံမျိုးပါ။ (Heat) ဆိုရင် e ကို သံရှည်နဲ့ထုတ်ပြီးဆိုမှ မှန်တယ်။ / I / ဆိုတာက hit လို စာလုံးမျိုးတွေကိုထွက်ဖို့ သုံးတယ်။ Heat နဲ့ hit အသံ ထွက်ချင်းကွာတယ်။ ရေကို အပူပေးမယ် “I’m going to heat the water” လို့ပြောရမယ့်နေရာမှာ “I’m going to hit the water” ဆိုတဲ့အသံထွက်သွားရင် ရေကိုအပူပေးတာ မဟုတ်တော့ဘဲ၊ ရေကို သွားပြီး တူနဲ့ထုတာဖြစ်သွားမယ်။ အသံထွက်မှန် မမှန် စမ်းကြည့်ရအောင် အင်္ဂလိပ်စကားပြောနိုင်ငံကလူတွေကို အောက်မှာဖော်ပြထားတဲ့ စကားလုံးတွေ သွား...

ရှောင်ရန်စကားလုံးများ၏ စွမ်းအား ပုံမှန် သုံးနေကျမဟုတ်တဲ့ စကားတွေကို ရှောင်သင့်ပါတယ်။ ဥပမာ နေ့စဉ် ကျောင်း၊ လုပ်ငန်း၊ မိသားစုထဲမှာ ပုံမှန်ပြောဆို သုံးနှုန်းလေ့မရှိတဲ့ စကားလုံးမျိုးတွေကို ပြောတာပါ။ အချို့သော စကားလုံးတွေမှာ မထင်မှတ်တဲ့ စွမ်းအားတွေ (ပါဝါတွေ) သွားရှိနေတတ်ပါတယ်။ ဥပမာ လူငယ်တွေ “cool” ဆိုတဲ့ စာလုံးကို သိပ်သုံးကြတယ်။ အဲဒီစာလုံးဟာ မိဘတွေနဲ့ ကျောင်းစည်းကမ်း တွေကို ဖောက်ဖျက်တယ်ဆိုတဲ့ သဘောလည်း သက်ရောက်တတ်ပါတယ်။ တစ်ယောက်နဲ့တစ်ယောက် စိတ်ဆိုးရင်ဖြစ်စေ ဒေါသထွက်ရင်ဖြစ်စေ မသုံးသင့် မသုံးထိုက်တဲ့ ရှောင်ရန်စကားလုံး တဘူး (taboo) တွေနဲ့ တိုက်ခိုက် အော်ဟစ်တတ်ကြတယ်။ ယောကျ်ားတွေ အချင်းချင်းတွေ့ရင် တဘူး တွေနဲ့ ကြမ်းတမ်းပက်စက်စွာပြောတတ်ကြတယ်။ ချစ်သူတွေ အချင်းချင်းလည်း ခံစားချက်တွေ အထွဋ်အထိပ်ရောက်နေချိန်မှာ တဘူးတွေကို သုံးတတ်တယ်။ လူပျက်တွေက လည်း ပွဲတွေမှာ အောက်ပိုင်းပျက်လုံးတွေလို့ခေါ်တဲ့ တဘူးတွေနဲ့ ပျက်လုံးထုတ်ပြီး ပရိသတ်ပွဲကျအောင် လုပ် တတ်ကြတယ်။ ဘာကြောင့် တဘူးတွေများလာရသလဲ တဘူးတွေကို လူတွေ ဘာကြောင့် စိတ်ဝင်စားကြသလဲ။ အဲဒီလို မဟုတ်တရုတ်စကားတွေကိုပြောဖို့ လူတွေ အများဆုံး စဉ်းစားတတ်ကြတယ်။ ဥပမာ ယဉ်ကျေ...

စာတွေ (words) ဟာ အသံတွေ (sounds) နဲ့ ဆက်စပ်နေပါတယ်။ အင်္ဂလိပ်စာမှာ စာနဲ့အသံ ဆက်စပ်မှုကို မှန်ကန်အောင်မသုံးတတ်ရင် ဒုက္ခတွေ့တတ်ပါတယ်။ အင်္ဂလိပ်စာမှာ taboo လို့ခေါ်တဲ့ ရှောင်ရန်ကိစ္စတွေ အများကြီးရှိတယ်။ ဆောင်ရန်တွေပဲသင်ပြီး ရှောင်ရန်တွေမသင်ရင် ကြာတော့ မရှောင်တော့ဘူးပေါ့။ ဒါက လည်း ဝေါဟာရအသစ်တွေ ထပ်ထပ်တိုးလာပြီး အသစ်တွေသုံးရင်းနဲ့ အဟောင်းတွေကိုမေ့တာလည်း ဖြစ်နိုင် တယ်။ အဟောင်းတွေမေ့တော့ သုံးရမှန်းမသိ၊ မသုံးရမှန်းမသိ သုံးမိလိုက်တော့ ဒုက္ခရောက်ကုန်ရော။ အဲဒီလို မသုံးရတဲ့နေရာမှာ သုံးရင် အန္တရာယ်ရှိပြီပေါ့။ လွန်ခဲ့တဲ့ နှစ်ပေါင်း ၃၀ အတွင်း အမေရိကန်မှာ လူမှုရေးပြောင်းလဲမှုတွေ အများကြီးဖြစ်ခဲ့တယ်။ “ရှောင်ရန်”  ဆိုတဲ့စကားတွေကို မသိတော့ဘူး။ ဒီတော့ မသုံးရမယ့်နေရာတွေမှာသုံး၊ သုံးရမယ့်နေရာတွေမှာ မသုံးမိဘဲ ဒုက္ခတွေ့ကြရတယ်။ အမေရိကန်တွေ ဘာကို ရှောင်ကြသလဲ အမေရိကန်တွေ ဆရာဝန်အခန်းကလွဲပြီး မပြောတဲ့စာလုံးတွေရှိတယ်။ အဲဒီစာလုံးတွေကတော့ -         ကိုယ်ခန္ဓာရဲ့ လိင်ဆိုင်ရာ အစိတ်အပိုင်းတွေ -         လိင်မှုဆိုင်ရာ လုပ်ဆောင်မှုတွေ -        ...

အမြန်ဆုံးနဲ့ အခြေခံအကျဆုံးကို ပြောပါ့မယ်။ တတ်ပြီးသားတွေကို မရည်ရွယ်ပါဘူး။ ခုမှစပြီး လေ့လာမယ့် သူတွေကိုရည်ရွယ်ပါတယ်။ စတင်လေ့လာလိုသူတွေအတွက် အညွှန်းကိုစပြောမယ်။ (လိုရင်း တိုရှင်းပေါ့)  ၁။ ကိုယ့်ကိုယ်ကို ကလေးလိုသဘောထားပါ  ကလေးဆိုတာ စကားသင်ရင် ဖြည်းဖြည်းသင်ပေးရတယ်။ ပထမဦးဆုံး သူတို့ နားထောင်တာကို အရင်လုပ်တယ်။ နားရည်ဝရင် ပြောတာကို စလုပ်မယ်။ နောက်မှ အဖတ်နဲ့ အရေးကို လုပ်ကြတယ်။  ၂။ အင်္ဂလိပ်စကား နေ့စဉ်နားထောင်ပါ  ရေဒီယိုကို အင်္ဂလိပ်ပိုင်း အစီအစဉ်များများနားထောင်ပါ။ အင်္ဂလိပ်စကားပြော TV တွေကြည့်ပါ။ ရုပ်ရှင် ကြည့်ရင်လည်း အင်္ဂလိပ်ကားတွေ များများကြည့်ပါ။ ဗီဒီယိုမှာ အင်္ဂလိပ်ကားတွေကြည့်ရင် မြန်မာစာတန်းထိုးနဲ့ မကြည့်ဘဲ အင်္ဂလိပ်စာတန်းထိုးကိုပြောင်းကြည့်နိုင်အောင်ကြိုးစားပါ။ အွန်လိုင်းကို တက်ရင်လည်း အင်္ဂလိပ် သင်ခန်းစာ site တွေကို လျှောက်လေ့လာကြည့်ပါ။  ၃။ အင်္ဂလိပ်လိုပြောနိုင်သူတွေနဲ့ မိတ်ဆွေဖွဲ့ထားပါ  အင်္ဂလိပ်စကားဆိုတာ ပြောမှတတ်ပါတယ်။ ဒါကြောင့် အင်္ဂလိပ်လို ပြောနိုင်သူတွေနဲ့ပေါင်းပြီး များများ ပြောနိုင်အောင် အခွင့်အလမ်းယူပါ။ စပြီး သင်ရင် လွယ်ကူတဲ့ ဖတ်စာအုပ်လေးတွေကိုပဲ ...

1. I say = ဟေ့လူ။ 2. I see = ဟုတ်ပြီ / သဘောပေါက်ပြီ။ 3. You see? = သိလား။ 4. I do = သဘောတူပါတယ်။ 5. I’m done = ငါတော့ ပြည်ဖုံးကားချလိုက်ပြီ။ 6. Done! = ကောင်းပြီ သဘောတူတယ်/ ဖြစ်စေရမယ်။ 7. I’m up! = ကျွန်ုပ်အိပ်ယာနိုးပြီ။ 8. I’m all ears = ကျွန်ုပ် နားထောင်နေပါတယ်။ 9. I give up = ပန်းပေးတယ်/ အရှုံးပေးတယ်။ 10. Search me! = ပန်းပေးတယ်/ ကျွန်ုပ်မသိပါ။ 11. I quit = ကျွန်ုပ် နုတ်ထွက်တယ်။ 12. I’m buying = ကျွန်တော်/မ ဒကာခံမယ်။ 13. My treat = ကျွန်တော်/မ ကျွေးမယ်။ 14. Your treat? = မင်းကျွေးမှာလား…။ 15. How much do I owe you? = ဘယ်လောက်ကျပါသလဲ…။ 16. That calls for celebrations! = မုန့်ကျွေးသင့်တယ်။ 17. God bless you! = ဘုရားသခင်ကောင်းချီးပေးပါစေ။ (နှာချေရာ၌ အသုံးပြုသည်) 18. Good bless you = ကျေးဇူးကြီးပါပေတယ်။ 19. Touch wood = တိုက်တိုက်ဆိုင်ဆိုင်စကားဆုံမိလျှင် ဆုတောင်းခြင်း။ 20. Knock on wood! = ကံကောင်းပါစေ…။ 21. Cross my heart! = ဘုရားစူး။ 22. Keep your fingers crossed! = အောင်မြင်ဖို့ဆုတောင်းနေကြ။၏ 23. Swear upon the Bible! = ဘုရားပေးပေး ကျမ်းပေးပေး။ 24. Swear to God = ဘုရားစူး။ 25. Thank ...

အသက်ငယ်ချိန်မှစ၍ ဒုတိယဘာသာစကား တစ်မျိုးမျိုးကို လေ့လာခြင်းသည် အတန်းပညာရေးသက်သက်သာမက သင်ထောက်ကူပစ္စည်းများ စုံလင်သော ဝန်းကျင်တစ်ခုအတွင်း၌ လက်တွေ့ဘဝအတွက် သင်ယူလေ့လာခြင်း အတွေ့အကြုံများဖြစ်ကြောင်းကို ရှင်းလင်းတင်ပြထား မြန်မာနိုင်ငံသည် ကမ္ဘာကြီးနှင့် ချိတ်ဆက်ဆောင်ရွက်မှု များ တိုးတက်အားကောင်းလာပြီး အခြားနိုင်ငံများသို့ သွားရောက်လည်ပတ်ရန်၊ သွားရောက်ပညာသင်ကြားရန်နှင့် အလုပ်သွားလုပ်ရန် လူငယ်များအတွက် အခွင့်အလမ်းများ တိုးပွားလာခြင်းကြောင့် အင်္ဂလိပ်နှင့် မန်ဒရင်း စသည့် ဒုတိယဘာသာစကားများကို သင်ယူလေ့လာခြင်းမှာ ကလေးများအတွက် အရေးအပါဆုံး ဖြစ်လာမည် ဖြစ်သည်။ ယနေ့ခေတ် လူ့အဖွဲ့အစည်းအတွင်း ကလေးငယ်များက နှစ်မျိုးထက်ပိုသော ဘာသာစကားများကို ထိတွေ့ ပြောဆိုနိုင်ခြင်းမှာ အထူးအဆန်း မဟုတ်သော်လည်း မိဘများက ၎င်းတို့၏ ကလေးများ ဒုတိယဘာသာစကား တစ်မျိုးမျိုးကို မည်သို့ လေ့လာသင်ယူနိုင်မည်လဲဆိုသည်နှင့် ပတ်သက်ပြီး မေးခွန်းများရှိနေကြသည်။ "ကျွန်မ ကလေးကို ဘယ်အချိန်မှာစပြီး အင်္ဂလိပ်စာလေ့လာမှုကို စလုပ်ပေးသင့်လဲ" "သူ့အတွက် သီးသန့်ဆရာ ထားပေးသင့်လား" "ကျွန်မကလေးကို အသက် ၃ နှစ်မှာ အင်္ဂလိပ်စာစသင်ရင် အရမ...

အင်္ဂလိပ်စာ တကယ် လေ့လာတော့မယ်လို့ ဆုံးဖြတ်ပြီးပြီဆိုရင် ? တစ်နေ့ကို အနည်းဆုံး အချိန်ဘယ်လောက်ပေးပြီး လေ့လာလေ့ကျင့်မယ် ? အင်္ဂလိပ် ဘာသာစကားနဲ့ ထိတွေ့အောင် ကြိုးစားနေမယ် လို့ ကိုယ့်ကိုယ်ကို ကတိပေးနိုင်လဲ ??? ♦️ ကျွန်တော် အနည်းဆုံး လုပ်စေချင်တာကတော့ လေ့လာလေ့ကျင့်ချိန် – နာရီဝက် ထိတွေ့ချိန် – ၁ နာရီခွဲ ပါ ။ ပို ကြိုးစားချင်တဲ့လူကတော့ လေ့လာလေ့ကျင့်ချိန် – ၁ နာရီ ထိတွေ့ချိန် – ၃ နာရီပါ ။ ♦️ တကယ် အင်္ဂလိပ်စာ တိုးတက်ချင်ရင် ရေတို တစ်ပွဲထိုး စွတ်လုပ်ဖို့ ထက် ရေရှည် လုပ်သွားဖို့ အဓိကပါ ။ ? ၂ လ – ၃ လ လောက်ဆို ကိုယ့်တိုးတက်မှုကို ကိုယ် စ သတိထားမိလာမယ် ။ ? ၆ လ – ၉ လ လောက်ဆို ကိုယ့်ကိုယ့်ကို ယုံကြည်မှု အတော် ရှိလာမယ် ။ ? ၁ နှစ် – ၂ နှစ်လောက်ဆို ကိုယ့် ပတ်ဝန်းကျင်မှာ အင်္ဂလိပ်စာကြောင့် အားငယ်ရတဲ့ ဘဝမျိုးကနေ လွတ်မယ် ။ ? ၂ နှစ် ကနေ ၄ နှစ်လောက်ဆို ကိုယ့်ကို အင်္ဂလိပ်စာ ကောင်းတယ်လို့ ပတ်ဝန်းကျင်က ယူဆကြတဲ့ အဆင့်ကို ရောက်မယ် ။ ( ကိုယ်တိုင်ကတော့ ကိုယ် မသိသေးတာတွေ ရှိနေသေးတယ်ဆိုတာ ကောင်းကောင်းသိနေမယ် ) ? ၅ နှစ် ကနေ ၈ နှစ်ဆို ကျွမ်းကျင်တယ် ဆိုတဲ့ အဆင့်ကို ရောက်မယ် ။ ပွဲတိုးတဲ့ အဆင့် ပွဲလည်တင့်တဲ့ အဆင့်ကို ရောက...

အင်္ဂလိပ် စကား ပြောတတ်ဖို့ / ကျွမ်းကျင်ဖို့ သဒ္ဒါ လုံးဝ သင်စရာမလိုပါဘူး … ( မိခင်ဘာသာစကားလည်း သဒ္ဒါ မသင်ပဲ ပြောတတ်လာတာပဲ ) ဆိုတဲ့ အစွန်းရောက် အမြင်ရှိသူတွေ များလာတာ သတိထားမိလို့ ဒီစာ ရေးဖြစ်တာပါ ။ အဲ့လို လူတွေကို ဒီမေးခွန်းလေး မေးကြည့်ပါ ။ I lived in Yangon for two years. I’ve lived in Yangon for two years. နဲ့ ဘာကွာလဲ ? ဆိုတာကို သဒါ္ဒလုံးဝ မသင်ပဲ ဘယ်လို ခွဲခြားမလဲ ? သဒါ္ဒသင်ထားမှ ခွဲခြားလို့ ရမှာ မဟုတ်ဘူးလားလို့ ။ ? အဲ့ စကား ၂ ခွန်း ဘာကွာလဲတောင် မသိပဲနဲ့တော့ Speaking ကို မွတ်နေအောင် ပြောတတ်တယ်ဆိုလည်း ပညာသိပ် မတတ်သူတွေပဲ ယုံပါလိမ့်မယ် ။ သာမန်လူတွေ ( အင်္ဂလိပ် ဘာသာစကားမကျွမ်းကျင်သူတွေ ) က ” ဒီလူ စကားပြောတာ အရမ်းသွက်တယ် … မိုက်တယ် “ ဆိုတာမျိုးလောက်ပဲ ချီးကျူးခံချင်ရင်တော့ သဒါ္ဒလုံးဝ မလေ့လာလည်း ရကောင်း ရနိုင်ပါတယ် ။ မဟုတ်ရင်တော့ … ( ပညာတတ် အချင်းချင်း အင်္ဂလိပ် ဘာသာစကား ကျွမ်းကျင်သူတွေအချင်းချင်း ကြားမှာပါ ချီးကျူးခံရတဲ့ အထိ ရေရှည် စဉ်းစားထားချင်တယ် ဆိုရင်တော့ ) စကားပြောပဲတတ်ချင်တယ်ဆိုလည်း သဒါ္ဒကို နည်းနည်းချင်းတွဲပြီး လေ့လာထားသင့်ပါတယ် ။ ဒါမှ သာမန်စကားပြောထက် ကျော်ပြီး ပညာတတ်ဆန်ဆန် ပြောဆ...

  ယနေ့ခေတ်မှာ မီဒီယာတွေရဲ့တိုးပွားမှု (Media Population) က များသည်ထက် များလာသည်။ ယခင်က ပုံနှိပ် မီဒီယာ (Press Media) TV, Audio Media တို့လောက်သာ ရှိခဲ့ရာမှ ယနေ့တွင် အွန်လိုင်းမီဒီယာ၊ ကြော်ငြာဘုတ်၊ ဆိုရှယ်နက်ဝက်ခ်များ၊ မိုဘိုင်းဖုန်းများ စသည်ဖြင့် Media မျိုးစုံအလျှိုလျှိုပေါ်ပေါက်လာကြသည်။ အထူးသဖြင့် မီဒီယာအေး (Cold Media) များဖြစ်သည့် စာအုပ်စာပေ Press Media များက Online, Internet ကဲ့သို့သော Hot Media များနှင့်ယှဉ်လျှင် ယှဉ်ပြိုင်နိုင်စွမ်းများ သိသိသာသာ ကျဆင်းလာကြသည်။ အထူးသဖြင့်  အင်တာနက် ကဲ့သို့သော Hot Media တို့မှာ အသုံးပြုသူများ သိရှိလိုသည့် သတင်း အချက်အလက်များကို အချိန်တိုအတွင်း လျင်မြန်စွာ ရှာဖွေပေးနိုင်ခြင်း ၊ အရုပ်အသံ စသည့် Media စုံ ကြည့်ရှုခံစားနိုင်ခြင်း ၊ အသုံးပြုသူ user အချင်းချင်း Email ၊ ချက်တင် စသည်တို့ဖြင့် ဆက်သွယ်နိုင်ခြင်း၊ စသည်တို့ကြောင့် ကာလတို အတွင်းမှာ သုံးစွဲသူ အရေအတွက် အဆမတန် များပြားလာခဲ့သည်။ အချို့သော ကမ္ဘာကျော် သတင်းစာကြီးများ သည်ပင်လျှင် ယင်းတို့၏ Offline ပုံနှိပ် ထုတ်ဝေနေမှုများကို ရပ်ဆိုင်းကာ Online Version တစ်ခုတည်းဖြင့် ပြောင်းလဲ ရပ်တည် လာရသည်အထိ...

တော်တော်များများက ဆိုရှယ်မီဒီယာပေါ်မှာ အချိန်ကုန်နေကြတာများပါတယ်။ ဆိုရှယ်မီဒီယာပေါ်မှာပဲ အချိန်ကုန်နေပေမယ့် ဘာမှလည်းအကျိုးဖြစ်ထွန်းလာတာ မရှိပါဘူး။ ဆိုရှယ်မီဒီယာသုံးပြီဆိုရင် တော်တော်များများက Facebook တွေ Instagram တွေလောက်ပဲ အသုံးများကြတယ်။ Youtube တွေကြည့်ကြတယ်။ ဒါကြောင့် ဆိုရှယ်မီဒီယာမှာ အကျိုးရှိအောင်အသုံးချနိုင်မယ့် အချက်သုံးချက်ကို ပြောပြပေးလိုက်ပါတယ်။ လေ့လာသင်ယူပါ။ ဆိုရှယ်မီဒီယာသုံးပြီဆိုတာနဲ့ လူသုံးများတဲ့ Facebook ထဲကို ဝင်လိုက်ပါ။ Facebook သုံးရင် Newfeed ထိုင်ပွတ်နေမယ့်အစား အင်္ဂလိပ်စာ Group တွေနဲ့ ကိုယ့်အတွက် ဗဟုသုတရစေမယ့် Group တွေထဲကိုဝင်ပြီး လေ့လာပါ။ မှတ်သားပြီးသင်ယူနိုင်ပါတယ်။ သင်တန်းတက်ဖို့အချိန်မရှိတဲ့သူတွေဆိုရင် ဒီလို Group တွေထဲဝင်ပြီး လေ့လာသင်ယူသင့်ပါတယ်။ ဗဟုသုတ၊ အသိပညာကို ကိုယ်တိုင်ရှာဖွေပါ။ Youtube ကြည့်တော့မယ်ဆိုရင်လည်း ဇာတ်ကားတွေကိုထိုင်ကြည့်နေမယ့်အစား ဗဟုသုတရစေမယ့် Video တွေ၊ စိတ်ခွန်အားဖြစ်စေမယ့် Motivation Video တွေကို ရှာပြီးကြည့်ပါ။ အသိပညဗဟုသုတတွေဆိုတာက ကိုယ်တိုင်ယူတတ်မှရတာပါ။ ဒါကြောင့် ဘာကိုပဲသုံးသုံး ကိုယ့်အတွက် အကျိုးရှိစေမယ့်အရာတွေကို ကိုယ်တိုင်ရှာဖွေသ...

အင်္ဂလိပ်ဘာသာစကားက ကမ္ဘာတစ်ဝှမ်းမှာ ဆက်သွယ်ရေးအနေနဲ့အသုံးပြုနေကြတဲ့ ဘာသာစကားတစ်ခုဆိုတာကို အားလုံးကလက်ခံထားပြီးသားပါ…။ ကျောင်းတွေမှာလည်း အင်္ဂလိပ်စာကိုအခြေခံအနေနဲ့ သင်ကြားလာကြတဲ့အပြင် နွေရာသီပိတ်ရက်တွေမှာလည်း အင်္ဂလိပ်စာသင်တန်းတွေ တက်ကြနဲ့ဆိုတော့ အင်္ဂလိပ်စာနဲ့ အရမ်းကြီးမစိမ်းနေတော့ဘူးပေါ့…။ လူတိုင်းလူတိုင်း အင်္ဂလိပ်စာကို အခြေခံထမင်းစားရေသောက်လောက် တတ်ရုံတင်မဟုတ်ပဲ တကယ်ကျွမ်းကျင်နေမယ်ဆိုရင် ရရှိလာမယ့်ကောင်းကျိုးတွေလည်း ရှိပါတယ်…။ တစ်ခြားဘာသာစကားတွေကလည်း တတ်ထားသင့်တယ်ဆိုပေမယ့်လည်း အင်္ဂလိပ်ဘာသာစကားဆိုတာက တတ်ထားမယ်ဆိုရင်ပိုပြီးတော့ အသုံးဝင်တဲ့ ဘာသာစကားတစ်ခုလည်းဖြစ်ပါတယ်… တကယ်လို့သင်နိုင်ငံခြားခရီးတွေထွက်မယ်ဆိုရင်တော့ ကမ္ဘာသုံးစကားဖြစ်တဲ့ အင်္ဂလိပ်စကားကိုပဲ အသုံးပြုရမှာဖြစ်တဲ့အတွက်ကြောင့် တတ်ထားမယ်ဆိုရင် သင့်အတွက်ခက်ခဲတဲ့ခရီးတစ်ခု ဖြစ်မှာမဟုတ်ပါဘူး...။ သူများကပြောပြမှသိတာနဲ့ ကိုယ့်ဘာသာကိုရတဲ့ ဗဟုသုတက ကွာခြားမှုတော့ရှိတာပေါ့…။ အင်တာနက်သုံးရင်တောင် တစ်ခုခု Update ဖြစ်တာတွေဆိုရင် နိုင်ငံခြား Page တွေကတင်တာဆိုတော့ အင်္ဂလိပ်ဘာသာစကားနဲ့ဆိုတော့ ကိုယ်ကတတ်ထားမယ်ဆိုရင် ကိုယ်တိုင်လေ့လာလို့ရပြီး သူမျ...

ယခုခေတ်မှာ ကမ္ဘာသုံးစကားဖြစ်တဲ့ အင်္ဂလိပ်စာကို ကလေးတွေငယ်ငယ်ကတဲက စပြီး သင်ပေးနေ ကြပါပြီ။ အင်္ဂလိပ်စာကို ငယ်ငယ်ကတဲက သင်ကြားပေးခြင်းဖြင့် ကလေးရဲ့ အင်္ဂလိပ်စာ အရည်အချင်းကိုလဲ အများကြီး တိုးတက်လာစေပါတယ်။ ကလေးတွေကို အင်္ဂလိပ်စာ သင်ကြားပေးရာမှာ ကျူရှင်မှာ အပ်ပြီး သင်ပေးရုံနဲ့ မလုံလောက်ပါဘူး။ ကလေးကို တကယ်အင်္ဂလိပ်စာ တတ်စေ တော်စေ ချင်တယ်ဆိုရင် အိမ်မှာလဲ ကလေးအင်္ဂလိပ်စာ လေ့လာနိုင်အောင် အခွင့်အလမ်းတွေ ဖန်တီးပေးဖို့၊ အားပေးဖို့ လိုအပ်ပါတယ်။ ကိုယ့်ကလေးကို အိမ်မှာ အင်္ဂလိပ်စာလေ့လာသင်ယူနိုင်အောင် အားပေးကူညီဖို့၊ အခွင့်အလမ်းတွေ ဖန်တီးဖို့ ဘယ်လိုလုပ်ရမလဲဆိုတဲ့ အကြံဉာဏ် ၉ ချက်ကို ဆွေးနွေးထားပါတယ်။ (၁) သင်ကိုယ်တိုင် အင်္ဂလိပ်စာ သင်ပါ သင့်ကလေးကို အင်္ဂလိပ်စာ တော်စေတတ်စေချင်တယ်ဆိုရင် သင်လဲ အင်္ဂလိပ်စာ အတိုင်းအတာ တစ်ခုအထိတော့ ပြောတတ်၊ ဖတ်တတ်၊ ရေးတတ် သင့်ပါတယ်။ သင့်ကလေးကို အင်္ဂလိပ်စာ သင်တန်းကို စေလွှတ်သင်ကြားတယ်ဆိုရင် သင်လဲ တနည်းနည်းနဲ့ အင်္ဂလိပ်စာကို လေ့လာပါ။ အင်္ဂလိပ်လို ရေးထားတဲ့ စာအုပ်တွေ ဖတ်ရှုပြီး ကိုယ့်အင်္ဂလိပ်စာ နားလည်မှု အဆင့်ကို မြှင့်တင်ပါ။ မိဘက ဒီလို အင်္ဂလိပ်စာကို အလေးထားတယ်ဆိုတာ ကလေးကတွေ့ရင်...

အင်္ဂလိပ်စာကို Grammar တွေဖတ်လိုက် စာတွေဖတ်လိုက်နဲ့ ပျင်းစရာကောင်းနေရင် ရုပ်ရှင်ကြည့်ပြီး အပန်းဖြေရင်း အင်္ဂလိပ်စာ လေ့လာလို့ရပါတယ်။ Listening, Speaking, Reading, Writing စတဲ့ 4 Skill မှာ ရုပ်ရှင်ကြည့်ရင်း Listening နဲ့ Speaking ၂ မျိုးကို လေ့လာလို့ရပါတယ်။ သူတို့ပြောတာတွေ နားထောင်ရင်း ဘယ်စာလုံးကို ဘယ်လိုအသံထွက်သွားလဲ၊ ဘယ်လိုပြောသွားသလဲ၊ စသဖြင့် နားထောင်ရင်း အသံထွက်အမှန်ကို သိလာနိုင်တယ်။ နားထောင်ရုံသက်သက်မဟုတ်ဘဲ သူတို့ပြောသလို သံယောက်လိုက်ပြောကြည့်ရင်း Speaking လေ့ကျင့်လို့လည်း ရသေးတယ်။ ကိုယ်တွေဆို အဲဒီလို လေ့ကျင့်နေကျ။ ရုပ်ရှင်ဆိုတာ စာအုပ်တွေ၊ ဝတ္ထုတွေ၊ ဘဝဇတ်လမ်းတွေကို ရုပ်နဲ့ အသံနဲ့ တန်ဆာဆင်ပြီး ဖျော်ဖြေတင်ဆက်တာပါ။ အဲဒီတော့ ခေတ်အခြေအနေအလိုက် သုံးစွဲတဲ့ ဝေါဟာရတွေ၊ ဗန်းစကားတွေ၊ အီဒီယံတွေ စကားလုံးအသုံးအနှုန်းတွေလည်း ထပ်ပြီး လေ့လာနိုင်သေးတယ်။ ကိုယ်မမြင်ဘူးတဲ့ စကားစုတွေ အီဒီယံတွေကို စာအုပ်ထဲမှာ မှတ်စု ရေးမှတ်ထားသင့်တယ်။ စိတ်ရှည်ပြီး အပင်ပန်းခံနိုင်ရင် ရုပ်ရှင်ကြည့်တဲ့အခါ ပထမတစ်ခေါက် စာတန်းမထိုးဘဲ အရင်ကြည့်ပါ၊ ပြီးမှ စာတန်းထိုးပြန်ကြည့်ပြီး သူတို့ပြောတဲ့ လေယူလေသိမ်းနဲ့ စကားလုံးတွေကို ဘယ်လောက...

ကျွန်မငယ်ငယ်က အင်္ဂလိပ်စာကို ဘယ်လို သင်ယူခဲ့သလဲဆိုတဲ့အကြောင်းလေးကို အရင်တစ်ပတ်စနေနေ့က မျှဝေပေးခဲ့ပါတယ်။ ဒီတစ်ပတ်ကတော့ ကျွန်မရဲ့ အတွေ့အကြုံတွေကနေ နားလည်သဘောပေါက်ထားတဲ့ ဘာသာစကားသင်ယူမှုနဲ့ သင်ယူနည်းတွေကို မျှဝေပါ့မယ်။ အင်္ဂလိပ်စာကို သင်ကြားသူရော၊ လေ့လာသူတွေ အတွက်ပါ အထောက်ကူပြုဖို့ မျှော်လင့်ပါတယ်။ အင်္ဂလိပ်စာသင်ယူနည်းတွေကို မပြောခင် ဘာသာစကားတွေအကြောင်း နားလည်ဖို့လိုပါတယ်။ နားမလည်ရင် သင်ယူမှုအတွက် နှောင့်နှေးမှုတွေဖြစ်နိုင်လို့ သေချာဖတ်ပေးပါ။ အင်္ဂလိပ်စကားဆိုတာ အင်္ဂလန်နိုင်ငံက အင်္ဂလိပ်တွေ အသုံးပြုတဲ့  မိခင် ဘာသာစကားမို့လို အင်္ဂလိပ်စကားလို့ သုံးနှုန်းကြတာ အားလုံးသိကြမှာပါ။ ကျွန်မတို့တစ်တွေကတော့ မြန်မာစကားကို မိခင်စကားအဖြစ် ပြောရင်း ကြီးပြင်းလာကြသလို အခြားတိုင်းရင်းသားတွေလည်း ကိုယ့်ရဲ့ တိုင်းရင်းသားဘာသာစကားကို မိခင်စကားအဖြစ် ပြောရင်း ကြီးပြင်းလာကြတယ်။ ကျွန်မတို့ မိခင်ဘာသာစကားကို စသိတဲ့ ကလေးဘဝကို စဉ်းစားကြည့်ပါ။ မွေးခါစ ကလေးတွေဟာ ပထမဦးဆုံး ဘာမှ မပြောတတ်ဘူး။ အရင်ဆုံး ဘေးက ပြောနေတဲ့ ဖေဖေ၊ မေမေ၊ မိသားစုဝင်တွေရဲ့ စကားတွေကို နားထောင်တယ်။ ကိုယ့်ကို စကားလာပြောသူတွေရဲ့ ပါးစပ်လှုပ်ပုံကို ကြည့်...

လူငယ်တွေအနေနဲ့ နိုင်ငံခြား၌ကျောင်းတက်ခွင့် ရရှိဖို့ကတော့အိမ်မက်တစ်ခုပါပဲ။ ပြည်ပသို့ ပညာ သင်ကြားခွင့်ရရှိသူ အများစုကတော့ ငွေကြေး တတ်နိုင် (သို့) ပညာသင်ဆု ရရှိထားတဲ့ကျောင်းသား တွေဖြစ်ပါတယ်။ နိုင်ငံခြား၌ကျောင်း တက်ရာတွင် လွယ်ကူတဲ့ ကိစ္စတော့မဟုတ်ပါဘူး။ မိမိအနေနဲ့ ရေမြေမတူတဲ့နေရာ သို့ သွားရောက်နေထိုင်ရမှာဖြစ်လို့ သိသင့်သိထိုက်တဲ့အချက် တွေကိုတော့ မှတ်ထားဖို့လိုပါမယ်။ ဒါကြောင့် အခုတင်ပြမယ့် အချက်တွေက ကူညီရာရောက်မယ် လို့ထင် မြင်မိပါတယ်။ ၁။ မိမိသင်ကြားခဲ့တဲ့ အတန်းတွေ လွှဲပြောင်းရမရ စစ်ဆေးပါ။ မိမိအနေနဲ့ မိခင်နိုင်ငံက တက္ကသိုလ်မှာ သင်ယူခဲ့တဲ့ အတန်းတွေ (ဘာသာရပ်)ကို နိုင်ငံခြားရှိမိမိတက်ရောက်မယ့် တက္ကသိုလ် သို့ လွှဲပြောင်းရမရစစ်ဆေးပါ။ သို့သော် မိမိအနေနဲ့အထက်တန်းအဆင့်ပဲ တက်ထားတယ်ဆိုရင်တော့ ထိုအ ကြောင်းအရာကိုတွေးဖို့ မလိုအပ်ပါဘူး။ မြန်မာ နိုင်ငံကနေ နိုင်ငံခြားသို့ တက္ကသိုလ်တက်မယ်ဆိုရင်တော့အနည်းဆုံး အထက်တန်း အောင်ထား ရမယ့် အပြင် တက္ကသိုလ် (၂)နှစ်ခန့်အထိ ပြီးထားရင်အကောင်းဆုံးပါ။ အကြောင်းကတော့ (၁၂) တန်းအောင်မြင်ပြီးထားရမှာ ဖြစ်လို့ပါ။ GED (General Education Development) လို့ခေါ်တဲ့ အထက်တန်းစာမေးပွဲတွေ ဖ...