အင်္ဂလိပ်စကားပြောတတ်ဖို့ ဘာတွေသိရမလဲ

တစ်ယောက်ယောက်ကို အင်္ဂလိပ်စကားပြောတတ်လားလို့ မေးတဲ့အခါမှာ "Do you speak English? "လို့ပဲ မေးကြတာ သိပီးဖြစ်မှာပါ။

"Do you speak in English?" လို့မမေးကြပါဘူး။

သူ ပြောနေတဲ့အကြောင်းအရာကို ကိုယ်က အင်္ဂလိပ်လိုပြောစေချင်ရင်တော့ Speak in English လို့ပြောနိုင်ပါတယ်။ ဥပမာ စာသင်ခန်းထဲမှာ ဆရာမက မြန်မာလိုပဲ တောက်လျှောက်ပြောနေတဲ့ကျောင်းသားကို အင်္ဂလိပ်လိုပြောစေချင်တဲ့အခါ Can you speak in English? ဒါမှမဟုတ် Can you explain it in English? လို့ပြောတတ်ပါတယ်။ အကြောင်းအရာမပြောင်းပဲ ပြောနေတဲ့အကြောင်းအရာကို အင်္ဂလိပ်လို ပြောင်းပြောခိုင်းတာမျိုးပါ။

English Speaking ပြောစကားကို improveဖြစ်ချင်ရင် Speak in English အင်္ဂလိပ်လို ပြောတာထက် speak English အင်္ဂလိပ်စာကို ပြောကြဖို့လိုပါတယ်။

Speak in English ကိုယ့်မိခင်ဘာသာစကား မြန်မာစာကို translateလုပ်ပီး အင်္ဂလိပ်လိုပြောနေသရွေ့တော့ အပြောစွမ်းရည် တိုးတက်လာမှာ မဟုတ်ပါဘူး။

ဥပမာ

မနက်ဖြန်နေ့လယ်လောက် ရာသီဥတုကောင်းရင်တော့ ငါမင်းဆီဝင်ခဲ့မယ် ဆိုတာကို မြန်မာလိုတွေးပီး speak in English လုပ်မယ်ဆိုရင် ဘလိုစာကြောင်းတွေ ပြောမိနိုင်မလဲ။

If the weather is good, I will come in tomorrow afternoonတို့ ပြောလိုက်နိုင်ပါတယ်။

ကိုယ့်မိခင်ဘာသာစကားကနေ တိုက်ရိုက် translateလုပ်မိတဲ့အတွက် ဒီလိုပြောထွက်သွားတာဖြစ်တယ်။

ဒီစာကြောင်းကို I will stop in tomorrow afternoon, weather permittingလို့ ပြောဖို့ကတော့ အင်္ဂလိပ်လိုတွေးတတ်တဲ့အကျင့်ရှိနေမှ ဖြစ်ပါမယ်။ တွေးတတ်တဲ့အကျင့်ကလဲ လေ့ကျင့်ယူရပါမယ်။

ဗမာလို ဒီလိုပြောတာကို အင်္ဂလိပ်လို ဘလိုပြောရမလဲ မေးတတ်ကြသူများဟာ Translation Class တက်သင့်ပါတယ်။ အသက်ကြီးသွားပီဖြစ်လို့ ကလေးတွေလို အင်္ဂလိပ်စာကို Direct Methodနဲ့ သင်လို့မရဘူးဆိုတာလဲ တကယ်တော့ ကြိုးစားသင်ယူချင်စိတ်ကသာအဓိကဖြစ်ပါတယ်။

အင်္ဂလိပ်စကားပြောတတ်ချင်ရင်

အင်္ဂလိပ်စာလို မပြောပါနဲ့။ အင်္ဂလိပ်စကား ပြောပါ။

အင်္ဂလိပ်စကား ပြောတတ်ဖို့ အင်္ဂလိပ်လို တွေးပါ။

ပြီးရင်အင်္ဂလိပ်စကားကိုသာ ပြောပါ။

Credit: languagelabmyanmar