Aung Soe Moe's English Tuition

အင်္ဂလိပ်စာ လေ့လာသူများအတွက် လေ့လာစရာ စာအုပ်စာတမ်း၊ မှတ်စုများဟာ ယခုအခါ အွန်လိုင်းမှာရော ပုံနှိပ်မီဒီယာမှာပါ အလွယ်တကူရရှိနိုင်ပါတယ်။ အဲ့ဒီထဲမှာ အကြားစွမ်းရည်အတွက် လေ့ကျင့်ဖို့ကတော့ လေ့လာသူများအတွက် ကောင်းနိုးရာရာကို ရွေးချယ်ဖို့ အချိန်ပေးရတာဖြစ်လို့ အဲ့ဒီစွမ်းရည်နဲ့ ပတ်သက်ရင် သိပ်မလုပ်ဖြစ်ကြတာကို သတိပြုမိပါတယ်။ ဒါကြောင့် အကြားစွမ်းရည်ကို လေ့ကျင့်ဖို့အတွက် ဗြိတိသျှကောင်စီရဲ့ Teaching English blog ဆုရှင် Aoife McLoughlin က အကြံပြုထားတဲ့ podcast များရနိုင်တဲ့ ဝက်ဗ်ဆိုဒ် ငါး ခုကိုဖော်ပြလိုက်ပါတယ်။ အင်္ဂလိပ်စာသင်ကြားပေးနေတဲ့ ဆရာ၊ဆရာမများ ကိုယ်တိုင် စာသင်ခန်းထဲမှာ သင်ကြားရေး အချိန်မလုံလောက်မှုနဲ့ အခြားလုပ်ရမယ့် လေ့ကျင့်ခန်းတွေကြောင့် listening skills ဆိုတဲ့ အကြားစွမ်းရည်အတွက် အချိန်ကောင်းကောင်းပေးပြီး အာရုံမစိုက်နိုင်ကြပါဘူး။ ကျောင်းသားတွေကို သူတို့တွေ ဘယ်စွမ်းရည်ကို အတိုးတက်ချင်ဆုံးလဲ မေးလိုက်တိုင်း အမြဲတမ်း ပြန်ကြားရမယ့် သူတို့ရဲ့ အတိုးတက်ချင်ဆုံး ဖြစ်ချင်uတဲ့ စွမ်းရည်တွေကတော့ အကြားစွမ်းရည်နှင့် အပြောစွမ်းရည်တို့ဘဲ ဖြစ်ပါတယ်။ အဲ့ဒီထဲက စကားပြောစွမ်းရည်က လေ့ကျင့်ပေးဖို့ ပိုမိုလွယ်ကူသယောင်ရှိ...

မိဘတော်တော်များများဟာ အိမ်မှာ ကိုယ့်ကလေးကို အင်္ဂလိပ်စာ သင်ပေးချင် ကြပါတယ်။ ကလေးကို အင်္ဂလိပ်စာ ကျူရှင်ပို့တဲ့ မိဘတွေတောင်မှပဲ အိမ်မှာတတ်နိုင်သရွေ့ သင်ပေးချင် ကြပါတယ်။​ဒါပေမယ့် ဘယ်လိုသင်ရမလဲဆိုတာ မိဘတော်တော်များများက မသိကြပါဘူး။ အောက်မှာ မိမိကလေးကို အသက် အပိုင်းအခြားအလိုက် ဘယ်လို အင်္ဂလိပ်စာ သင်ပေးရမလဲဆိုတာ အကြံပြု ဆွေးနွေးထားပါတယ်။ ကလေးကို အင်္ဂလိပ်စာ စသင်ချင်တယ်၊ ဘယ်ကဘယ်လို စရမှန်း မသိဘူး ဖြစ်နေတယ် မိဘတော်တော်များများက အိမ်မှာကလေးကို အင်္ဂလိပ်စာ စသင်ပေးချင် ပေမယ့် ဘယ်ကစရမှန်း မသိ ဖြစ်နေတတ်ကြပါတယ်။ အချို့ကလဲ ကိုယ့်အင်္ဂလိပ်စာ အခြေခံက အကောင်း ကြီးမဟုတ်တော့ မစရဲတဲ့သူတွေလဲ ရှိပါတယ်။ ကလေးကို အင်္ဂလိပ်စာ စသင်ဖို့ဆိုတာ မိဘလုပ်သူက အင်္ဂလိပ်စာ အရမ်းကောင်းနေစရာ မလိုပါဘူး။ အဓိက အရေးအကြီးဆုံး လိုအပ်ချက်က မိဘလုပ်သူက ကလေးကို အင်္ဂလိပ်စာ တတ်အောင် သင်ပေးလိုတဲ့ ပြင်းပြတဲ့ စိတ်ရယ်၊ နောက်ပြီး ကလေးကို အင်္ဂလိပ်စာ သင်ချင်လာအောင် အားပေးအားမြှောက် လုပ်ပေးဖို့နဲ့ ကလေးက အင်္ဂလိပ် စာလုံးလေးတွေ တတ်လာတဲ့ အခါမှာ ချီးမွမ်းဂုဏ်ပြုဖို့ပဲ ဖြစ်ပါတယ်။ ကလေးက ချက်ချင်း အင်္ဂလိပ်လို စပြီး မပြောလို့ ဘာမှစိုးရိမ်စရာ၊ အားငယ...

လျှို့ဝှက်ချက် (၁) တွေးတောခြင်း မပြုပဲ အင်္ဂလိပ်စကားကို အလိုအလျှောက်ပြောခြင်း စကားလုံးများသည် မိမိ၏ ပါးစပ်အတွင်းမှ အလိုအလျှောက်လွယ်ကူစွာထွက်လာခြင်းတို့သည် ကျွန်တော်တို့ အင်္ဂလိပ်စကားပြောလေ့လာသူတိုင်း၏ ပန်းတိုင်ပင် ဖြစ်ပေသည်။အဖြေမှာ . You understand instantly. ထိုကဲ့သို့ ပြုလုပ်ရန် ကျွန်တော်တို့၏ အင်္ဂလိပ်စာ လေ့လာခြင်းနည်းလမ်းကို ပြောင်းရန် လိုအပ်ပေသည်။ပထမဆုံး လုပ်ရမည့် အချက်မှာ English words တွေကို လေ့လာခြင်း အလုပ်ကို ရပ်တန့်ဖို့ပါပဲ။ ဒါဟာ မှန်ကန်တဲ့ အချက်ပါပဲ။ words တွေကို မမှတ်သားသင့်ပါ။ ဘာကြောင့်လဲဆိုတော့ ကျွန်တော်တို့ ရဲ့ ပညာရေး စနစ်ကို စတင်ပြောရပါလိမ့်မယ်။ ကျွန်တော့်တို့ ပညာရေးစနစ်ဟာ factory English learning system ပါပဲ။text book ထဲမှ vocabulary များအားကျက်ခြင်း meaning ကျက်ခြင်းတို့ကို ကျွန်တော် တို့ နှစ်ပေါင်း တော်တော်ကြာကြာ လုပ်ခဲ့ကြပြီးပါပြီး။သို့သော်…ကျွန်တော်တို့သည် ဒီလောက်များပြားလှသော words တွေကို တကယ့်အပြင် လက်တွေ့ဘဝတွင် အသုံးမပြုနိုင်ပေ။ထိုများပြားလှသော စကားလုံးမျာသည် ကျွန်တော်တို့ရဲ့ ဦးနှောက်ထဲတွင် လွယ်ကူစွာ ပျက်ပြယ်သွားသောကြောင့်ပင်ဖြစ်သည်။ ဘာကြောင့် လွယ်ကူစွာ ပျက်ပြယ်...

မြန်မာနိုင်ငံတွင် အင်္ဂလိပ်စာကို နိုင်ငံခြားဘာသာစကား၊ အငှားဘာသာစကားအဖြစ် အစဉ်အလာအားဖြင့် ရှုမြင်ထားကြသည်။ သို့သော်လည်း အင်္ဂလိပ်စာကို မြန်မာအင်္ဂလိပ်စာဟုခေါ်သော ကမ္ဘာ့ဘာသာစကား တစ်ခုဖြစ်လာအောင် တီထွင်ဖန်တီးပိုင်ဆိုင်သူအဖြစ် သူတို့ကိုယ်သူတို့ သဘောထားလာအောင် လေ့လာသင်ယူသူတို့အား ပြောင်းလဲပေးရန် လိုအပ်ပေသည်။ အီဝမ် ကင်မရွန်  ရေးသားသည်။ အင်္ဂလိပ်ဘာသာစကားကို “ကမ္ဘာသုံးဘာသာစကား” ဟု ပြောလိုက်သောအခါ အတိအကျအားဖြင့် မည်သည့်သဘောကို ဆောင်ပါသနည်း။ ထို“ကမ္ဘာသုံးဘာသာစကား” သည် အားလုံးအတွက် သုံးနိုင်အောင် တီထွင်ဖန်တီးထားသော ဘာသာစကား ဖြစ်လာပြီဟု ဆိုနိုင်ပါမည်လား။ သို့မဟုတ် ဗြိတိသျှအင်္ဂလိပ်စာနှင့် အမေရိကန်အင်္ဂလိပ်စာသည်  ကမ္ဘာသုံးဖြစ်လာပြီဟုဆိုပါက ပို၍ မှန်ကန်သည်ဟု ဆိုနိုင်ပါမည်လား။ အမှန်စင်စစ် အဖြေမှာ ယင်းနှစ်ခု၏ အကြားတွင်ရှိသည်။ မြန်မာနိုင်ငံသည် အင်္ဂလိပ်ဘာသာစကားကို တသမတ်တည်း လေ့လာသင်ယူမှု မရှိခဲ့သော်လည်း ယနေ့ခေတ်တွင် အရူးအမူး လိုက်စားလာသော ဘာသာစကား ဖြစ်လာသည်။ ယခုရာစုနှစ်ထဲသို့ ဝင်ရောက်လာချိန်မှစ၍ ပုဂ္ဂလိက အင်္ဂလိပ်စာသင်ကျောင်းများ ထွန်းကားလာခြင်းက ဤအချက်ကို သက်သေပြလျက်ရှိသည်။ သို့ရာတွင် အင်္ဂလိ...

    ကမ္ဘာ့ အင်္ဂလိပ်စကားပြောမှု များသောနိုင်ငံများသည် အပြာရင့်ရောင်ဖြစ်ပြီး၊ အပြာဖျော့ရောင်သည် အင်္ဂလိပ်စာအရေးပါမှု ကြီးမားသော နိုင်ငံများဖြစ်သည်။ အင်္ဂလိပ်ဘာသာစကား  (English Language) သည် ယနေ့ခေတ် ကမ္ဘာပေါ်တွင် လူပြောအများဆုံးဘာသာစကားဖြစ်သည်။ ယနေ့ခေတ် ကမ္ဘာပေါ်ရှိ လူတို့သည် အများအားဖြင့် အင်္ဂလိပ်ဘာသာဖြင့် ပြောဆိုဆက်ဆံနေကြရသည်။ အင်္ဂလိပ်ဘာသာသည် အနောက်ဂျာမန်နစ်ဘာသာ စကားဖြစ်သည်။ အနောက်ဂျာမန်နစ်ဘာသာစကားသည်  ဒတ်ချ် ၊ ဂျာမန်ဘာသာများကဲ့သို့သော အင်ဒို-ဥရောပ ဘာသာစကားမျိုးနွယ်များဖြစ်ကြသည်။အင်္ဂလိပ်စာ အရေးအသားသည် ကမ္ဘာပေါ်တွင် ဒုတိယအသုံးပြုရသော ရုံးသုံးဘာသာစကား ဖြစ်သည်။ စာအရေးအသား စနစ်မှာ  လက်တင်  (ရောမစာအရေးအသား) စာအရေးအသားစနစ်ဖြစ်သည်။ အင်္ဂလိပ်ဘာသာသည် အေဒီ ၄၅၀ ခန့်က အနောက်ဂျာမနီလူမျိုးစုများမှတဆင့် ဗြိတိန်နိုင်ငံသို့ ရောက်ရှိလာသော ဘာသာစကားတစ်ခုဖြစ်သည်။ ဂျာမနစ်ဘာသာသည် အန်ဂလို-ဆက်ဆိုဟုခေါ်သော ရှေးဟောင်း အင်္ဂလိပ်ဘာသာတစ်ခုဖြစ်ပြီး အနောက် ဂျာမနီ လူမျိုးစု များပြောသော ဘာသာစကား တစ်ခုဖြစ်သည်။ ခေတ်သစ်အင်္ဂလိပ်စကားကိုမူ ကမ္ဘာပေါ်ရှိ နိုင်ငံပေါင်း မြောက်များစွာက ပြောဆိုအသ...

အင်္ဂလိပ်စာသည် ကမ္ဘာသုံးဘာသာစကား ဖြစ်၏။ အင်္ဂလိပ်စာတတ်လျှင် အလုပ်ကောင်း ကောင်း ရနိုင်မည်။ အင်္ဂလိပ်လို ဖတ်မှတ်လေ့လာနိုင်ပါက ပညာရပ်အတော်များများကို လေ့လာ ဖတ်ရှုနိုင်မည်။ မြန်မာနိုင်ငံနှင့်အင်္ဂလန်တို့ မိုင်ပေါင်းထောင်ချီ ဝေးကွာသော်လည်း အင်္ဂလိပ်လို ကောင်းကောင်း ပြောတတ်သူက မြန်မာနိုင်ငံတွင် လူတွင်ကျယ်လုပ်နိုင်၏။ မြန်မာနိုင်ငံတွင် အင်္ဂလိပ် စကားကျွမ်းကျွမ်းကျင်ကျင် ပြောတတ်ပါက သူလိုသာမန်လူတန်းစားတစ်ဦးအတွက် ပိုမိုအဆင်ပြေ ချောမွေ့မည်ကို ကိုမျိုး ကောင်းကောင်း သိပါ၏။ သို့သော် ခက်တာက သူက အင်္ဂလိပ်စာကို သင်တန်းတက်ဖို့ ပျင်းသလို အင်္ဂလိပ် စာသင်တန်းကောင်းတွေအတွက် အကုန်အကျခံတက်စရာ ငွေကလည်း သိပ်မရှိ။ ‘‘ရန်ကုန်မှာတော့ အင်္ဂလိပ်စာ သင်တန်းတွေက အများကြီး ပေါ့။ အမေရိကန်စင်တာတို့၊ ဘီစီတို့မှာ နေးတစ်စပီကာနဲ့ သင်မလားရတယ်။ ပြည်တွင်းက နာမည်ကြီး ထိပ်တန်းဆရာတွေရဲ့ သင်တန်းတွေ တက်မလား၊ ကြိုက်တာတက်လို့ရတယ်။ ဒါပေမဲ့ ငွေလေ ငွေကရှိသေးတယ်။ သင်တန်းတွေက ကောင်းရင် ကောင်းသလို ဈေးသိပ်ကြီးတယ်။ တော်ရုံလူ မကပ်နိုင်ပါဘူး’’ နောက်တစ်ချက်က သူသည် စာသင်ခန်းပုံစံအချိန်မှန် အတန်းတက်စာသင်ရသည်ကို အင်မတန်မှ ပျင်းရိသူဖြစ်၏။ တက္ကသိုလ်တက်တ...

စကားလုံးအသစ်တွေကို ကြားရ၊ ဖတ်ရတဲ့အခါ  အဲ့ဒီစကားလုံးတွေကို ကျက်မှတ်လေ့လာဖို့ အားထုတ်ရပါမယ်။ သတင်းကြည့်နေတုန်း ပထမဆုံးအကြိမ်အဖြစ် ကြားလိုက်ရတာဖြစ်စေ၊ နွားနို့်စက္ကူဗူးကျောဘက်မှာ ရေးထားတာတွေထဲက တွေ့လိုက်ရတာဖြစ်စေ၊ မှတ်တမ်းလုပ်ထားပါ။ တစ်နေရာရာမှာ ရေးချမှတ်သားထားပါ။ ဒါပေမဲ့ အဲ့ဒီလိုလေ့လာထားတဲ့စကားလုံးတွေကို မေ့မသွားအောင် ဘယ်လိုလုပ်ရမလဲ။ အချိန်ကာလကြာမြင့်လာတာနဲ့ အမျှ သင့်လေ့လာထားတဲ့ စကားလုံးတွေအားလုံးကို မှတ်မိနိုင်ပါဦးမလား။ အင်္ဂလိပ်စာ စာမေးပွဲမှာ ကောင်းကောင်းဖြေနိုင်ဖို့အတွက် ဝေါဟာရတွေ တိုးပွားအောင်လုပ်ရတာဟာ မဖြစ်မနေလုပ်ရတဲ့ အရာဖြစ်ပါတယ်။ ဒါပေမဲ့အဲ့ဒီလိုလုပ်ဖို့ အချိန်နှင့် လေ့ကျင့်မှု အများကြီးလိုအပ်ပါတယ်။ အဲ့ဒါကိုလွယ်ကူအောင် ပြုလုပ်ဖို့အတွက် ဝေါဟာရ စကားလုံးလေ့လာတည်ဆောက်မှုကို စံနစ်တကျပြုလုပ်ရမှာ ဖြစ်ပါတယ်။  သင့်ပထမဦးဆုံး ဝေါဟာရမှတ်စုကို ဘယ်လိုလုပ်မလဲဆိုတဲ့ ကျွန်တော်တို့ရဲ့ လမ်းညွှန်ချက်ကို ဖတ်ကြည့်ပါ။ ၁။ တစ်ကယ့် မှတ်စုစာအုပ်တစ်အုပ် အကယ်လို့သင်က မှတ်စုကို ခဲတံ၊ ဘောပင်သုံးပြီး စာရွက်ပေါ်မှာ ချရေးရတာကို နှစ်သက်တယ်ဆိုရင်တော့ မှတ်စုစာအုပ်တစ်အုပ်ကို သတ်သတ်မှတ်မှတ်ထားတာ ကောင်းပါတယ်။ ဘာ...

  အင်္ဂလိပ်စကားကို ကျွမ်းကျင်စွာ ပြောဆိုတတ်သူတစ်ဦးဆီမှာ အင်္ဂလိပ် ဝေါဟာရ စကားလုံးတွေနဲ့ ပတ်သက်တဲ့ ဗဟုသုတအများကြီး ကြွယ်ဝဖို့ လိုအပ်ပါတယ်။ သဒ္ဒါဆိုတဲ့အရာကို ကွေ့ပတ်ရှောင်ချင်ရင် ရှောင်လို့ရပေမဲ့ ဘာသာစကားကို တည်ဆောက်ရင်သုံးတဲ့ ဝေါဟာရ စကားလုံးတွေကိုတော့ ရှောင်ကွင်းလို့ မရပါဘူး။ ဒါပေမဲ့ လက်တွေ့ဆန်ဆန်ပဲ တွေးတောလုပ်ဆောင် ကြည့်ကြရအောင်။ အင်္ဂလိပ်စာ အဘိဓာန်တစ်အုပ်ကို တစ်နေ့တည်းနဲ့ အလွတ်ရအောင် ကျက်ပစ်လိုက်မယ် ဆိုတာမျိုးဟာ မဖြစ်နိုင်ဘူးလေ။ ဒါကြောင့်မို့လို့ တစ်နေ့ကို မိနစ် ၃၀ လောက်ပဲ သင်အချိန်ပေးရုံလောက်နဲ့ အင်္ဂလိပ်ဘာသာကို ကျွမ်းကျင်သူအဆင့်ဖြစ်အောင် လုပ်နိုင်မယ့် အကြံပြုချက်တစ်ချို့ကို ကျွန်တော်တို့ မျှဝေလိုက်ပါတယ်။ ဆယ်မိနစ် မှ မိနစ် နှစ်ဆယ် လောက် အာရုံစိုက်လေ့လာပါ။  နေ့စဉ် ဖြစ်နိုင်ချေရှိမယ့် ရည်မှန်းချက်ကို ချမှတ်ပြီး အဲ့ဒီအတိုင်း ပုံမှန်လုပ်ပါ။ ပထမအစပိုင်းမှာ နေ့စဉ် စကားလုံးအသစ် တစ်လုံးနဲ့ စတင်ပြီး တဖြည်းဖြည်းချင်းစီ တစ်နေ့ကို စကားလုံးနှစ်လုံးမှ ငါးလုံးအထိ တိုးသွားပါ။ ဘာသာစကားလေ့လာဖို့ အချိန်အများဆုံး ဘယ်လောက်ပေးနိုင်သလဲဆိုတာ မိမိကိုယ်ကိုမေးမြန်းပါ။ တစ်နေ့ကို မိနစ် ၂၀ ပေးနိုင်ရင် ငါ...

သင်မမြင်ဘူးသေးတဲ့ စကားလုံးတစ်လုံးကို တွေ့လိုက်ပြီဆိုရင် အဲ့ဒီစကားလုံးရဲ့ အဓိပ္ပါယ်ကို ရှာဖွေဖို့ အဘိဓာန်စာအုပ်ကို သင် အရင်လိုက်ရှာမှာ ဖြစ်ပါတယ်။ အဲ့ဒီစကားလုံးဟာ သင်တစ်ခါမှ မတွေ့ဘူးသေးတဲ့ စကားလုံး- ဥပမာ - mellifluous တို့ ascertain တို့လိုမျိုး ဖြစ်နိုင်သလို၊ သင်တွေ့ဖူးပြီးသား စကားလုံးဖြစ်ပေမဲ့ အသုံးပြုပုံ သိပ်မသိတဲ့ အောက်က ဝါကျမှာ သုံးထားတဲ့ ‘heart’ လိုမျိုးစကားလုံးတွေ ဖြစ်နိုင်ပါတယ်။  ‘HE FOUND HIMSELF RIGHT IN THE HEART OF THE CITY.’ (သူ မြို့လယ်ကောင်တည့်တည့်မှာ ရောက်နေတယ်လို့ သိလိုက်တယ်။) အဘိဓာန်စာအုပ်ထဲမှာဆိုရင် heart ဆိုတဲ့ စကားလုံးအတွက် ဖွင့်ဆိုချက်အများကြီးရှိပါတယ်။ ကျွန်တော်တို့ရဲ့ ကိုယ်ခန္ဒာထဲက သွေးလည်ပတ်မှုစံနစ်အတွက် အလုပ်လုပ်နေတဲ့ နှလုံး (‘his heart stopped beating for a minute’) ကိုဆိုလိုသလို စိတ်ဆန္ဒ၊ သဘောထား၊ ခံစားမှု ကိုလည်း ဆိုလိုပါတယ်။ (‘they had a change of heart’) ဒါပေမဲ့ အဘိဓာန်ထဲမှာ ဆက်လက်ပြီး လေ့လာကြည့်ဦးမယ်ဆိုရင် heart မှာနောက်ထပ် အပွားတွေ အများကြီး ထပ်ရှိနေတယ်ဆိုတာ တွေ့ရပါမယ်။ ဥပမာ - ‘by heart’ (အလွတ်ကျက်) ‘heart of stone’ (ကျောက်သားလို မာကျောတဲ့ နှလုံးသား) ...